حلوى السيقار سهلة لذيذة كما انها تتناسب في شهر رمضان مع الشاي

ان شاء الله انتم بخير

حبيت نقدملكم وصفة حلوى تصلح لرمضان

جربتها كذا مرة ترقبوا مني الصور في الايام المقبلة ان شاء الله

وصفة احدي الاخوات جزاها الله خير

المقادير :

-2 حبات بيض

- تقريبا كاس سكر حرش

- تقريبا كاس زيت

- مغرف قهوة عطر فاني او مبشور ليمونة

- كاس اتاي حليب

- 1 باكي خمارة كيميائية

- الفرينة

- زيت للقلي

- عسل

- سكر رطب او جلجلان للتزين

حلوى السيقار سهلة لذيذة كما انها تتناسب في شهر رمضان مع الشاي Attachment

التحضير :

ندي اناء ندير فيه بيض+ سكر+فاني او مبشور الليمون نخلط بالفوي مليح حتى نحسو بلي سكر ذاب و امتزج مع المكونات مليح

- نضيف الزيت بالتدريج مع موصلة الخلط من بعد نزيد الحليب ايضا مع المواصلة في الخلط

نضيف شوية فرينة + الخميرة و نخلط غير بالشوية من بعد نبدا نضيف في الفرينة بالتدريج حتى نتحصل على عجينة متماسكة

- نخليها ترتاح مدة 10د

نسخن الزيت مليح من بعد مدة 10 د نبدا نشكل في اصابع و نقليها لكن على نار متوسطة جدا اي هادئة هكدا باش العجينة ماتبقاش خضراء من داخل

- كي نوضع الاصابع في المقلات بواسطة ملعقة نوضع الزيت فوق العجينة باش تنتفخ من كل الجوانب

- نخليها تنقلا مليح على نار هادئة و نلاحظ ان حجمها يضاعف

- نقدر نشكل العجينة على شكل اساور

توانسا يسموها يويو
واعملتها على شكل اساور
ااكد لكم ان الوصفة ناجحة
حلوى السيقار سهلة لذيذة كما انها تتناسب في شهر رمضان مع الشاي 2578313619