لكورني بالشوكولاته

:55: 

لكورني بالشوكولا

المقادير:
العجينةالسحرية:
كيلة سمن ذايب وبارد
كيلة زيت...
كيلة حليب بارد
فرينة
لافاني

الحشو:
حلوة ترك + نص كوب لوز مرحي نلمهم بالعسيلة او المربى
للتزيين
شوكولا بيضاء + شوكولا سوداء

اولا نحضر العجينة
نخلط السمن والزيت والحليب ونضيف الفرينة ولافاني حتى نتحصل على عجينة متماسكة مالازمش تكون طرية لازم حاكمة روحها لانها مبسسة مليح
نغطيها ونخليها ترتاح حتى يسهل بسطها
من بعد نبسطها بالحلال بسمك متوسط نقطع دوائر حوالي 8 او 9 سم ,ناخذ لي مول نتاع الكورني ونلف حولها دوائر العجينة ونلم العجينة المتبقية بدون عجنها ونكمل بنفس الطريقة.
نضغط عليها بواسطة الاصابع باه نغلقها ونحط الحلوى في صينية الفرن على الجهة لي غلقناه عليها حتى ما تتفتح اثناء الطهي ,ندخلها للفرن على180درجة كي تطيب نخليها تبرد تما بعدها ننزعها من لي مول
ونحشي لي كورني
نذوب الشوكولا فوق حمام مائي ونضيفلها شوية فقط من الحليب ,نغطس لي كورني في الشوكولا ونحطها فوق مشبك تقطر ونزينها بخطوط من الشوكولا البيضاء, بعدما تجف نحطها في ليكيسات
ملاحظة يمكن ان نحشيها بكاوكاو محمص ومرحي + نسلي كراميل يجي طعمو رائغ