نصيبي من الدنيا

ضاقت بي الدنيا وزادت بي الهموم ...
وجارت الدنيا ولا أدري كيف أجاريها ...
زاد العتاب وزاد من الناس هاللوم ...
ولاحد فهمني ونفسي والشقى فيها ...
أبكي ودمعي في الهوى عاش مظلوم ...
وأحكي القصايد وغربة في قوافيها ...
الناس راحوا وأنا وحدي مع الغيوم ...
نغني للسماء والأرض ونبكي في نواحيها ...
بموت وقلبي من الهوى عاش محروم ...
وأغادر الدنيا أو أبحر في موانيها ...
نصيبي بهذي الدنيا أعيش الفرحة فيها يوم ...
وأقدم باقي أفراحي لكل الناس وأهديها ...
أنا برحل ومن أرضي أبنزع وردك المسموم ...
وأحاول أنسى هالدنيا وأنسى كل بلاويها ...
مصيبة لو قلوب الناس فيها هالغدر مختوم ...
وتصبح هذي الدنيا ضواري من بشر فيها ...
أنا انسانه دم ولحم وأعيش بعالم مهدوم ...
وأسافر بين هم وهم وروحي همها فيها ...
أنا وردة ظميت أبغي أحد يروي ظماي بيوم ...
لقيت الكل خلاني وجا حزني بيرويها ...
أنا انسانه من صغري هويت الهم والهموم ...
وحتى الهم بعيوني يغدرني ويخليها ...
أبي أرتاح في الدنيا ولكن هالوقا معدوم ...
وحتى اللي يقول أوفي يخون النفس وراعيها ...
أنا أشكي وأنا أحكي وأزيد عتاب فوق اللوم ...
عشان الكل لي يسمع ويفهم وش معانيها ...
ترى كل الكلام اللي أقوله ما يفيد اليوم ....
قبل قالوا كثر هذا وأكثر ما بنحصيها ...
ولكن ما يفيد الناس وكلن يجهل المعلوم ...
وكلن يجهل الدنيا وكل شي واضح ن فيها ...
أنا وصلت كلماتي وشي ن بالصدر مكتوم ...
كتمته بهذي الدنيا ولي آخر نفس فيها ...
وأدعي الكل يسامحني اذا خيبت ظنه بيوم ....
تراني من بني آدم ومحد ما خطى فيها ...
وترى كل الهموم اللي بقلوب الناس هي مقسوم ...
كتبها ربي بالدنيا ويجزي من صبر فيها ...
وأظن كل الكلام اللي كتبته هو لكم مفهوم ...
( واذا جرحتكم الدنيا بترجع هي تداويها ) ...
ولكن غيّروا الدنيا وخلوا هالفرح مرسوم ...
وشيلوا كل هالأحزان وانسوا كل ماضيها ...
ولكن لا تقولوا لي أنا أفرح واشيل هموم ...
أو أنسى كل أحزاني أو أنسى اللي جرى فيها ...
نصيبي بهذي الدنيا أعيش الفرحة فيها يوم ...
وأقدم باقي أفراحي لكل الناس وأهديها ...سلامي

لا تحزني ز ابتسمي للحياة اختي الكريمة
مشكورة على الموضوع في انتظار جديدك
تقبلي مروري
مهدي
المدية
2
6
0
0
0

لاتحزني اختي
اضحكي للدنيا تضحكلك
مشكورة على الموضوع
تقبلي مروري

شكرا لك أختي الغالية